Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Politika s’i ndal, serbët zgjedhin Shqipërinë për të shijuar pushimet

2021/07/16 at 1:41 PM
në Aktualitet, Te Fundit
Kohë leximi: 4 min
A A
Politika s’i ndal, serbët zgjedhin Shqipërinë për të shijuar pushimet

Pavarësisht deklaratave të politikanëve në Serbi, të dhënat zyrtare tregojnë se interesimi i qytetarëve serbë për pushimet verore në Shqipëri është në rritje.


Asociacioni Kombëtar i Agjencive Turistike të Serbisë (JUTA) thotë për Radion Evropa e Lirë se, deri në këtë kohë të sezonit, numri i mysafirëve serbë në Shqipëri është rreth 100 për qind më i lartë krahasuar me vitin e kaluar.

Në Serbi ka pasur edhe një fushatë negative për Shqipërinë.

Dragan Markoviq Palma, udhëheqës i Partisë Serbia e Bashkuar dhe deputet në Parlamentin e Serbisë, ka porositur qytetarët që të mos shkojnë “për një coca-cola më të lirë në Shqipëri”.

Në ueb-faqen e partisë së tij, e cila është pjesë e koalicionit qeverisës në Serbi, Markoviq citohet të ketë thënë se Shqipëria është “fajtore dhe nxitëse e gjithçkaje që shqiptarët e Kosovës u kanë bërë serbëve në Kosovë”.

Por, disa që kanë veruar në bregdetin shqiptar këtë vit, besojnë se Markoviq nuk është dikush që mund të japë këshilla.

Dragan Markoviç Palma nuk është adresë ku mund të dëgjosh këshilla, çfarëdo, e posaçërisht për temat rajonale”, thotë Jana Vujiq, banore e Beogradit, për Shërbimin e Ballkanit të Radios Evropa e Lirë.

Markoviq është i njohur për publikun në Serbi edhe për udhëheqjen e delegacioneve ekonomike dhe politike në vendpushimet në Greqi dhe Egjipt, që organizohen nga qyteti i Jagodinës në Serbinë qendrore.

Ai e ka nisur karrierën politike në vitin 1993, kur ka formuar Partinë Serbia e Bashkuar, së bashku me Zhelko Razhnatoviq Arkanin, udhëheqës i Gardës vullnetare serbe – një formacion paraushtarak që ka marrë pjesë në luftërat e viteve 1990 në Jugosllavinë e atëhershme.

Shqipëria – një destinacion gjithnjë e më i popullarizuar

Interesimi i qytetarëve serbë për destinacionet në bregdetin shqiptar është rritur ndjeshëm në vitin 2020.

“Para kësaj kohe, më 2018 dhe 2019, ka pasur midis 3 mijë dhe 5-6 mijë turistë nga Serbia në Shqipëri – kryesisht nga jugu i Serbisë dhe rrethinat e Novi Pazarit”, thotë për Radion Evropa e Lirë drejtori i JUTA-s, Aleksandar Seniçiç.

Ai thotë se vitin e kaluar, Shqipëria, për shkak të pandemisë së koronavirusit, ka qenë një nga vendet e pakta të hapura për qytetarët e Serbisë.

Sipas tij, përvojat e atyre që kanë vendosur ta kalojnë verën në Shqipëri në atë kohë, janë të mira, dhe fakti që nuk kërkohen dokumente shtesë për qytetarët e Serbisë as këtë vit, janë arsye për rritjen e interesimit.

“Deri në këtë moment të sezonit, ne kemi rreth 100 për qind më shumë mysafirë se vitin e kaluar, i cili ka qenë dukshëm më i mirë në krahasim me vitet 2018 dhe 2019. Vitin e kaluar, kemi regjistruar rreth 20,000 turistë nga Serbia në Shqipëri”, thotë Seniçiç.

Nëse trendi vazhdon, sipas tij, Shqipëria mund të presë rreth 60-70 mijë turistë nga Serbia deri në fund të sezonit.

I pyetur se si mund të ndikojnë deklaratat e Markoviqit në sektorin e turizmit, Seniçiq thotë se ato, përgjithësisht, nuk çojnë në ndonjë gjë të mirë.

“Sigurisht, ato mund të kenë ndikim negativ, sidomos nëse mediat i plasojnë ato në mënyrën se si bëhet në Serbi. Kjo nuk duhet të bëhet, jo sepse është Shqipëria në pyetje, por cilido destinacion tjetër qoftë. Njerëzit duhet të kenë lirinë për të zgjedhur se ku do të udhëtojnë”, thotë Seniçiq.

“Patriotizmi” vs. mini-Shengeni

Që nga janari i këtij viti, qytetarët serbë mund të udhëtojnë në Shqipëri vetëm me kartën biometrike të identitetit. Kjo vlen edhe për hyrjen e shtetasve shqiptarë në Serbi.

Një gjë e tillë është bërë e mundur me marrëveshjen ndërshtetërore që qeveritë e këtyre dy vendeve e kanë arritur në kuadër të iniciativës për “mini-Shengenin”.

Kryeministri i Shqipërisë, Edi Rama, presidenti i Serbisë, Aleksandar Vuçiq, dhe kryeministri i Maqedonisë së Veriut, Zoran Zaev, kanë nënshkruar një deklaratë me synimin e krijimit të një “mini-Shengeni” midis tre vendeve, në tetor të vitit 2019, në Novi Sad.

Kjo deklaratë parasheh lëvizjen e lirë të kapitalit, mallrave, shërbimeve dhe njerëzve.

Nga 1 korriku janë hequr edhe tarifat e roaming-ut në thirrjet dhe mesazhet telefonike midis vendeve të Ballkanit Perëndimor.

E pyetur nga Radio Evropa e Lirë nëse thirrjet e politikanëve serbë për të mos udhëtuar në Shqipëri, mund të ndikojnë në bashkëpunimin ekonomik midis Serbisë dhe Shqipërisë dhe nëse ato janë në kundërshtim me iniciativën e “mini-Shengenit”, Dhoma e Tregtisë e Serbisë nuk është përgjigjur deri në publikimin e këtij teksti.

Dragan Markoviq Palma është një politikan që e mbështet integrimin evropian të Serbisë, por vetëm me Kosovën si pjesë të Serbisë.

Ai është i njohur edhe për qëndrimet e tij homofobike dhe është dënuar nga gjykata për diskriminim në bazë të orientimit seksual.

Së voni, Markoviq është përballur edhe me akuzat e opozitës në Serbi se ai ka organizuar ndeja private në Jagodinë, në të cilat janë mashtruar disa vajza. Markoviq e ka mohuar një gjë të tillë, ndërsa prokuroria është duke i hetuar akuzat.

Lidhja përmes turizmit

Boris Firicki, administrator i ueb-faqes Albanija.rs, që promovon ofertën turistike të Shqipërisë, është i bindur se gjithnjë e më shumë do të dëgjohet ana pozitive e rrëfimit, e cila sjell marrëdhënie më të mira në rajon, dhe jo deklaratat e një politikani.

“Dhjetëra e qindra deklarata të zotit Markoviq absolutisht nuk mund të jenë më të zëshme dhe më të fuqishme se dhjetëra mijëra turistë që kanë qenë tashmë këtë vit [në Shqipëri] dhe pothuajse gjysmë milioni njerëz që kanë qenë në pesë vjetët e fundit”, thotë Firicki për Radion Evropa e Lirë.

Ueb-faqja Albanija.rs është themeluar në vitin 2019 dhe i inkurajon në mënyrë aktive qytetarët e Serbisë që të vizitojnë Shqipërinë.

Firicki, 25 vjeç, thotë se motiv i tij ka qenë njohja dhe afrimi përmes një sfere neutrale si turizmi.

“Unë jam i sigurt se gjërat e tilla dhe kontaktet e drejtpërdrejta të njerëzve, të cilët kanë paragjykime në njëfarë mënyre, nga cilado anë, do të kontribuojnë në një rajon shumë më të mirë në të ardhmen”, thotë Firicki.

Me qëllim promovimin e bashkëpunimit turistik, ministri i Turizmit i Shqipërisë, Blendi Klosi, ka qëndruar këtë muaj në Beograd, ku është takuar edhe me presidentin e Serbisë, Aleksandar Vuçiç. / REL

 

Etiketa: pushimetserbet


Ju sugjerojmë

Rrezik për sigurinë në rrugë/ Nga Franca në Singapor, ndalime për monopatinat
Aktualitet

Rrezik për sigurinë në rrugë/ Nga Franca në Singapor, ndalime për monopatinat

25 Qershor, 2025 4:45 pm
Samiti i Nato-s, Trump: Rritja e buxhet do të ndihmojë në parandalimin e konflikteve
Bota

Samiti i Nato-s, Trump: Rritja e buxhet do të ndihmojë në parandalimin e konflikteve

25 Qershor, 2025 4:44 pm
Mbi 900 të aksidentuar me monopatina në 2 vjet, rritet alarmi për përdorimin e tyre
Aktualitet

Mbi 900 të aksidentuar me monopatina në 2 vjet, rritet alarmi për përdorimin e tyre

25 Qershor, 2025 4:34 pm
Përse ndihemi të lodhur gjatë verës?
Life Style

Përse ndihemi të lodhur gjatë verës?

25 Qershor, 2025 4:30 pm
Beogradi pretendon se Kosova ka dëbuar edhe një polic serb
Rajoni

Beogradi pretendon se Kosova ka dëbuar edhe një polic serb

25 Qershor, 2025 4:26 pm
Meloni:I thashë Trump që vendosmëria e përdorur në Iran duhet për Ukrainën dhe Gazën
Bota

Meloni:I thashë Trump që vendosmëria e përdorur në Iran duhet për Ukrainën dhe Gazën

25 Qershor, 2025 4:21 pm
362 milionë Euro investime të huaja në 3 muaj
Aktualitet

362 milionë Euro investime të huaja në 3 muaj

25 Qershor, 2025 4:15 pm
Zaçaj: Mos kini frikë nga zëri i Avokatit të Popullit, por heshtjen që…
Aktualitet

Zaçaj: Mos kini frikë nga zëri i Avokatit të Popullit, por heshtjen që…

25 Qershor, 2025 4:02 pm
KQZ shpërndan mandatet për 4 qarqe
Aktualitet

KQZ shpërndan mandatet për 4 qarqe

25 Qershor, 2025 3:47 pm
Kroçera “National Geographic Orion” në Durrës, Rama: Sjell vëmendjen ndërkombëtare
Aktualitet

Kroçera “National Geographic Orion” në Durrës, Rama: Sjell vëmendjen ndërkombëtare

25 Qershor, 2025 3:44 pm
Para
Manastirliu:Të hënën nis java e vaksinimit të hapur për qytetarët +18 vjeç

Manastirliu:Të hënën nis java e vaksinimit të hapur për qytetarët +18 vjeç

Arrestohet bashkëshorti i ish-ministres, Besa Shahini

Arrestohet bashkëshorti i ish-ministres, Besa Shahini

Hungaria do t’i ofrojë qytetarëve dozën e tretë të vaksinës anti-covid

Hungaria do t’i ofrojë qytetarëve dozën e tretë të vaksinës anti-covid
















TE FUNDIT

Rrezik për sigurinë në rrugë/ Nga Franca në Singapor, ndalime për monopatinat

Rrezik për sigurinë në rrugë/ Nga Franca në Singapor, ndalime për monopatinat
25 Qershor, 2025

Monopatinat elektrike, të cilat hynë në qarkullim si simbol i teknologjisë moderne urbane dhe si mjete ekologjike, po përballen me...

Lexo më shumë

Samiti i Nato-s, Trump: Rritja e buxhet do të ndihmojë në parandalimin e konflikteve

Samiti i Nato-s, Trump: Rritja e buxhet do të ndihmojë në parandalimin e konflikteve
25 Qershor, 2025

Presidenti i Shteteve të Bashkuara të Amerikës, Donald Trump ka mbajtur një konferencë për shtyp pas përfundimit të samitit të...

Lexo më shumë

Mbi 900 të aksidentuar me monopatina në 2 vjet, rritet alarmi për përdorimin e tyre

Mbi 900 të aksidentuar me monopatina në 2 vjet, rritet alarmi për përdorimin e tyre
25 Qershor, 2025

Monopatinat elektrike po kthehen gjithnjë e më shumë në burim kryesor për aksidente rrugore dhe rrezik për jetën. Sipas të...

Lexo më shumë

Përse ndihemi të lodhur gjatë verës?

Përse ndihemi të lodhur gjatë verës?
25 Qershor, 2025

Gjatë verës djersisim më shumë për shkak të nxehtësisë së lartë, duke rritur rrezikun për dehidrim. Edhe një dehidrim i...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com