Aktualitet

Policia zbarkon në zyrat e FRD, Shehu: Do jem në zyrë, le të më arrestojnë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:35 - 12/03/21 |
Opi Nion

Policia e Bashkisë së Tiranës ka zbarkur ditën e sotme përpara zyrave të FRD-së në qendër të Tiranës duke kërkuar lirimin e tyre.

Njoftohet se në derën kryesore të selisë së FRD-së është vendosur një shënim ku kërkohet “lirimi i menjëhershëm i ambienteve për qëllime sistemimi”.

Mësohet se Bashkia e Tiranës nëpërmjet një letre drejtuar kreut të partisë Sali Shehu, shkruan se arsyeja se pse policia ndodhet aty është sepse duhen bërë disa ndërhyrje me qëllim mirëmbajtjen e rikonstruksionin pasi hapësira, e cila është njësi adminiatrative është e amortizuar.

Lidhur me këtë ngjarje ka reaguar edhe Sali Shehu nëpërmjet një deklarate të bërë para ambienteve të FRD-së e cila prej kohësh është e vendosur në ish-selinë e Partisë Demokratike në qendër të Tiranës, pasi kjo e fundit u zhvendos në një ambient tjetër në krah të Lanës.

Shehu shprehet se nuk është njoftuar zyrtarisht, por thjesht në adresë të tyre ka mbërritur një letër pa firmë dhe pa vulë, ku thonte se duhet të lironin zyrat.

“Nga zyrat e Bashkisë ka ardhur një letër e pafirmosur që bën fjalë për lirimin e ambienteve që nga prilli 2016, e quajmë si provokim të rëndë, aq më tepër tentativat e neveritshme për të fikur dritat dhe përdorimi i policisë Bashkiake për të ndaluar anëtarët që të hyjnë në ambientet. Ju bëjmë me dije që jemi në të drejtën tonë që na garanton ligji. FRD nuk mund të besoj se këto veprime janë urdhëruar nga ju, prandaj ndalojeni këtë marrëzi. Besojmë që ndërhyrja juaj do jetë e menjëhershme. Ky dokument është hedhur në korridorin e zyrave të FRD disa ditë për bashkëpunimin me aleancën për ndryshim. Kur e kanë parë punonjëset e pastrimit e kanë lënë në një cep se nuk kishte firmë vulë, pa adresë dhe pa numër protokolli, këto nuk janë dokumente zyrtare. Në respekt të ligjit në jemi në katin e tretë, pas kësaj letre, mbrëmë ka pasur një tentativë që të fikin dritat, nuk ia kanë dalë, sot i kanë fikur që nga kati i parë dhe në momentin që kanë parë që kanë ardhur anëtarët, ato vendosën policinë bashkiake dhe mbyllën derën. Kemi përgatitur kallëzim penal për Bashkinë dhe Policinë e Bashkisë. Unë do të jem në zyrën nëse e kanë vendosur le të më arrestojnë në zyrë, se nuk është vetëm një dhomë, por një kat i gjithi. “, tha Shehu./Opinion.al

Pas