Policia e Korçës ka zbardhur ngjarjen e djeshme, ku 84-vjeçarja Nazime Demollari gjeti vdekjen në banesën e saj. Zyrtarisht policia njofton se për këtë krim është arrestuar djalin i saj, 64-vjeçari Nesim Demollari pasi dyshohet se e ka goditur me sende të forta në kokë dhe në trup. Si pasojë e plagëve të rënda, e moshuara ka gjetur vdekjen.
Në dëshminë e saj, kunata e viktimës tha se Nesim Demollari ishte i alkoolizuar dhe shpjegoi se si nisi konflikti mes të dyve.
“Gjeta derën e hapur dhe e shikoj në krevat të shtrirë. I fola dhe më tha jam e sëmurë. E shtriva sërish në krevat. Vjen djali dhe nisi debatin me nënën e tij. Ai ishte i dehur. Ai duhet varur”, ka thënë kunata e Nazime Demollarit.
Viktima kishte edhe tre djem të tjerë, që jetonin në Shtetet e Bashkuara të Amerikës dhe në Tiranë./Opinion.al
