Policia turke arrestuar në flagrancë pesë persona për kontrabandën e një substance shumë radioaktive që përdoret në reaktorë të energjisë bërthamore. Sasia prej 18.1 gramësh u gjet e fshehur në një makinë nën një shkop ingranazhi e mbështjellë me një qese. Kjo sasi llogaritet të jetë me vlerë 72 milionë dollarë.
Materiali për të cilin bëhet fjalë është ‘Kaliforniumi’, i cili ka marrë emrin pas vendit ku u sintetizua në vitin 1950 – një laborator në Universitetin e Kalifornisë. Përveç se përdoret për të prodhuar armë dhe reaktorë bërthamorë, elementi gjithashtu ka një gamë përdorimesh në jetën civile. Ai mund të përdoret si pjesë e detektorëve metalikë dhe në trajtimin e kancerit, si dhe operacionet e minierave të naftës, argjendit dhe arit. Megjithatë, substanca është shumë e rrezikshme dhe prodhimi, shpërndarja dhe transporti i saj është i kufizuar. Aktualisht, vetëm SHBA dhe Rusia mund të sintetizojnë izotopin.
Kjo nuk është hera e parë që policia turke ka raportuar një sekuestrim të kaliforniumit. Në mars të vitit të kaluar, policia e Ankarasë tha se kishin kapur një sasi prej 1.4 kg të së njëjtës substancë në një makinë pas një kontrolli. Më vonë doli të ishte një alarm i rremë, pasi sasia më vonë u zbulua se nuk kishte asnjë gjurmë të materialit bërthamor ose radioaktiv.
Pesë të dyshuarit u arrestuan gjatë kontrollit dhe substanca u dërgua në Agjencinë Turke të Energjisë Atomike (TAEK) për një analizë të detajuar. /Opinion.al
Turkish police in the Black Sea region seize 18.1 grams of radioactive californium, an element used in nuclear weapons and reactors, worth around $72 million and held five suspects pic.twitter.com/qDNwqLEblO
— TRT World Now (@TRTWorldNow) July 6, 2019
