Pa kaluar ende një javë nga sulmi terrorist në disa kisha në Sri Lankë ku ndërruan jetë 250 persona dhe u plagosën më shumë se 500, një shkëmbin zjarri ka ndodhur mbrëmjen e djeshme në Sainthamaruthu, në jug të qytetit bregdetar të Batticaloa.
Mësohet se nga përplasja e ashpër mes policisë dhe militantëve islamikë në lindje të vendit kanë vdekur 15 persona.
Vendi i kësaj përleshje nuk është larg nga kishat ku ndodhën sulmet kamikaze që përgjakën Pashkët Katolike të dielën që lamë pas.
Sipas policisë vendase shpërthimi dhe përleshjet e mbrëmshme kanë ndodhur në një zonë, e cila njihet si strehë e militantëve islamikë.
Në bilancin e 15 të vdekurve janë gjetur 6 fëmijë dhe 3 gra, të cilët mendohet se ishin anëtarë të familjeve së militantëve islamikë . Sri Lanka ka qenë në alarm pas valës së shpërthimeve në kisha të dielën e kaluar, ku u vranë të paktën 250 vetë.
Ndërkohë kisha Katolike në Sri Lanka ka anuluar të gjitha meshat e së dielës deri në një njoftim të dytë pas tragjedisë në ditën e Pashkëve./Opinion.al/
