Autoritetet spanjolle kanë konfirmuar se i dyshuari kryesor për sulmin terrorist në Barcelonë, Mousa Oukabir, është vrarë.
Mediat raportojnë se shoferi i furgonit të cilin e kishte marrë me qira është në mesin e 5 personave të vrarë nga policia në orët e para të mëngjesit në Cambrils, gjatë një shkëmbimi zjarri me policinë.
Ngjarja ndodhi rreth 120 larg sulmit të parë në Barcelonë ku humbën jetën 14 persona nga përplasja me një furgon.
Sipas mediave të huaja, ata ishin të pajisur me breza eksplozivi të rreme.
Ata u zbuluan nga forcat e policisë gjatë një kontrolli sigurie në zonën e portit, që është i populluar me turistë.
Policia katalanase ka njoftuar se ‘terroristët’ e vdekur në Cambrils, sulmi me furgon në Barcelonë dhe shpërthimi në një shtëpi në Alcanar ku mbeti i vdekur një person janë të lidhura me njëra-tjetrën.
Të paktën 13 persona kanë humbur jetën dhe 100 të tjerë janbë plagosur pasi një furgon, të enjten, përplasi një grup kalimtarësh të cilët ndodheshin në qendër të Barcelonës, në zonën e famshme turistike Las Ramblas.
Presidenti i Katalonias konfirmoi në një konferencë prë median se dy persona janë arrestuar ndërsa 100 persona nga 24 vende të ndryshme gjenden në spital. Pak minuta pas sulmit në një deklaratë të lëshuar nga krahu mediatik i grupit ekstremist – agjensia e lajmeve Aamaq – thuhet se sulmi i së enjtes u krye nga “ushtarë të Shtetit Islamik”.
Furgoni ka ecur me shpejtësi në zonën e këmbësorëve duke marrë para njerëz ndërsa dhjetra të tjerë u fshehën nëpër dyqane e lokale.
Sipas mediave, një furgon i dytë që është përdorur nga sulmuesit për t’u larguar, u gjet i braktisur në Vic.
Hetimet u perqendruan tek nje sulm terrorist. Mediat spanjolle raportojnë se nje i dyshuar i përfshirë në sulmin terrorist është vrarë në një shkëmbim zjarri me policinë në periferi të qytetit.
Dëshmitarët thanë se furgoni përplasi njerëzit përpara se të ndalonte e më pas shoferi i kamionit zbriti dhe u largua në këmbë.
Asnjëri prej dy të arrestuarve nuk është shoferi i furgonit, ndërsa policia konfirmon se njëri prej të arrestuarve është shtetas maroken ndërsa tjetri nga enklava spanjoll, Melilla ne veri të Afrikës.
