Policia Rrugore e Tiranës ka kontrolluar ditët e fundit mjetet e tonazhit të rëndë.
Në një njoftim për mediat, thuhet se në bashkëpunim me Drejtorinë e Transportit Rrugor, efektivët kanë dalë në akset kryesore interurbane ku në fokus ka qenë kontrolli i mjeteve të tonazhit të rëndë.
“Në bashkëpunim me Drejtorinë e Transportit Rrugor dhe Komisariatin e Policisë Rrugore, kemi dalë në akset kryesore interurbane për të kontrolluar mjetet e tonazhit të rëndë. Siguria në rrugë është përgjegjësi e të gjithëve! Të respektojmë rregullat dhe të jemi të kujdesshëm, për një udhëtim të sigurt dhe të qetë”, njoftoi policia.
