Policia Rrugore në Tiranë ka vendosur përgjatë 1 jave mbi 10 mijë gjoba ndaj drejtuesve të automjeteve, ndërkohë që ka vënë në pranga dhe proceduar 17 prej tyre.
Sipas njoftimin, janë arrestuar dhe proceduar penalisht 17 persona, ku prej tyre 7 për drejtim mjeti nën ndikimin e alkoolit, ndërkohë 4 kanë shkelur rregullat e qarkullit.
Ndërsa bëhet me dije se janë vendosur 10.504 masa administrative, mesatarisht 1,500 në ditë.
Mësohet se 6.528 masa administrative janë vendosur për qëndrim të gabuar, 913 të tjera për shpejtësi tej normave të lejuara, 892 masa për mospërdorim të kaskës mbrojtëse/jelekut fosforeshent, 630 masa për mos vendosjen e rripit të sigurimit, 575 masa për mosdhënie përparësi qytetarëve dhe 301 masa për përdorim celulari gjatë drejtimit.
Njoftimi i Policisë Rrugore Tiranë:
Gjatë javës së fundit, janë zbatuar masa të rrepta në ruajtjen e rendit dhe sigurisë rrugore:
Arrestime dhe procedime penale:
- 7 persona për drejtim mjeti nën ndikimin e alkoolit. • 2 persona për pa leje drejtimi. • 4 persona për shkelje të rregullave të qarkullimit. • 2 persona u proceduan për korupsion aktiv. • 2 person për drejtim mjeti nën ndikim e lëndëve narkotike
Masat administrative:
- 10.504 masa administrative të vendosura, mesatarisht 1,500 në ditë. • 54 masa për xhama të zinj. • 913 masa për shpejtësi mbi normat e lejuara. • 301 masa për përdorim celulari gjatë drejtimit. • 630 masa për mos vendosjen e rripit të sigurimit. • 11 masa për mosrespektim të sinjalit “Stop”. • 575 masa për mosdhënie përparësi qytetarëve. • 6.528 masa për qëndrim të gabuar. • *892* masa për mospërdorim të kaskës mbrojtëse/jelekut fosforeshent, neni 169.
Pezullime dhe bllokime:
- 7 raste pezullim për drejtim nën ndikimin e alkoolit. • 49 raste për tejkalim shpejtësie. • 9 raste të ndryshme
9 automjete u bllokuan, përfshirë 4 me targa të huaja.
Respektoni rregullat e qarkullimit rrugor për një udhëtim të sigurt!
