Vijojnë kontrollet me dronë, radarë, kamera, si dhe me prani të shtuar të shërbimeve të policisë me qëllim rritjen e sigurisë në rrugë. Konkretisht, sipas uniformave blu, gjatë javës së fundit si rezultat i intensifikimit të kontrolleve 49 shtetas janë arrestuar/proceduar për shkelje të rregullave të Kodit Rrugor.
“15 prej arrestimeve, për drejtim të automjeteve në gjendje të dehur/ose pa leje. 4 persona në kërkim janë kapur për vepra të ndryshme penale. 40 automjete janë bllokuar, janë vendosur 14 495 masa administrative, si dhe u pezulluan 21 leje drejtimi”, thuhet në njoftimin e policisë.
Policia Rrugore e Tiranës vijon apelimin për përdoruesit e rrugës, “që të respektojnë rregullat e qarkullimit rrugor, njëkohësisht fton qytetarët që të denoncojnë çdo shkelje të rregullave të qarkullimit rrugor”.
