Policia ka reaguar për herë të parë në në lidhje me një ngjarje të rëndë që dyshohet se ka ndodhur në Malësi të Madhe.
Blutë bëjnë me dije se kanë marrë një denoncim për zhdukjen e tre personave në këtë zonë, për të cilët ka nisur tashmë kërkimi.
LEXO EDHE: Artan Hoxha: Dyshohet se janë vrarë 3 kushërinj në parcelat me hashash
Bëhet fjalë për Vilson Pal Çutajn, Klement Nush Pepajn dhe Danjel Rrok Pepajn, për të cilët nuk ka gjurmë që prej pasdites së djeshme. Denoncimi është bërë nga vëllain i Vilson Çutajt.
“Rreth orës 17:30 të së dielës, në Komisariatin e Policisë Malësi e Madhe ka bërë kallëzim O. Ç., banues në fshatin Bajzë, Malësi e Madhe, se me datë 03.10.2020, rreth orës 15:00, ka humbur kontaktet me vëllain e tij shtetasin V. Ç. 37 vjeç, banues në fshatin Bajzë dhe me dy afërmit e tij (kushërinjtë) K. P. 21 vjeç, dhe D. P. 25 vjeç, të dy me banim në fshatin Vrith, Malësi e Madhe.”
Më herët gazetari Artan Hoxha njoftoi se tre të rinjtë mund të jenë vrarë teksa ruanin parcelat me hashash./ Opinion.al
