Ministri i Brendëshëm Sandër Lleshaj ka reaguar në lidhje me situatën e tensionuar në KZAZ e Dibrës. Ai thotë se protestuesit kanë sulmuar me molotv KZAZ dhe policinë. Për këto veprime thotë ai ligji do të veprojë pa asnjë mëdyshje.
Pas përplasjes me protestuesit, policia përdori gaz lotsjellës për të shpërndarë njerëzit. Mbështetësit e opozitës kanë tentuar disa herë të çajnë kordonin e policisë, në mënyrë që të futen brenda ambienteve të KZAZ –së ku ndodhen dhe materialet zgjedhore.
“Verbëria e dhunës politike po sulmon sot me molotov KZAZ e vendosur në shkollën “Nazmi Rushiti” dhe Policinë në Dibër, nën drejtimin e përfaqësuesve të lartë të opozitës.
Ligji do të veprojë pa asnjë mëdyshje ndaj çdo forme të krimit!” shkruan Lleshaj në Facebook. /Opinion.al
