Policia e Shtetit ka publikuar të hënën listën me 15 personat e kërkuar në Qarkun e Kukësit. “Ja personat e kërkuar nga Policia në qarkun e Kukësit. Policia e Shtetit fton cilindo që ka djeni mbi vendndodhjen e tyre të telefonojnë Policinë në numrin pa pagesë 112, duke ju garantuar anonimatin. Ndihmo dhe ti në sigurinë publike”, shkruhet në postimin e Policisë së Shtetit në rrjetet sociale.
Në mesin e 15 personave të kërkuar bie në sy 53-vjeçarja Zylfie Muharrem Haklaj, e dënuar me 25 vite burg për vrasje si dhe vellai i saj Hamdi Haklaj, i dënuar po ashtu me 25 vite burg për vrasje.
