Ish-kreu i FRPD-së, Belind Këlliçi ka deklaruar se ka parë njerëz të armatosur në selinë blu. Ai tha se telefonoi edhe policinë teksa denoncoi se i ishin vjedhur të dhënat personale.
Në këto momente ai tha se do i drejtohej policisë për të bërë denoncimin, pasi këto të fundit nuk kanë shkuar në seli pas telefonatës që ai kreu.
Këlliçi bëri përgjegjës Bashën për këtë ngjarje dhe tha se zyra e tij ishte bastisur.
“Pas mbledhjes që zhvilluam që s’ kemi cenuar njeri, kemi shkuar në zyrën time. Zyra është bastisur me brava të ndërruara. Përgjegjës për këtë është Basha, pasi vetëm ai ka guxim ta bëjë këtë. Janë vjedhur sende personale, USB me të dhëna, për këtë do të bej kallëzim penal. Kam bërë 2 herë thirrje në polici. Nuk vjen policia. Vjen policia vetëm për të mbrojtur Lulzim Bashën. Ta gëzojnë edhe për 6 ditë zyrën”,-tha Këlliçi.
