Që herët në mëngjes, Opinion.al raportoi për autoblindat që dolën në rrugët e Tiranës përpara nisjes së protestës së opozitës. Gazetarët e Opinion.al që ndodhen në terren raportojnë se Policia e Shtetit ka marrë masa të rrepta sigurie, për të garantuar mbarëvajtjen e protestës së opozitës së bashkuar, e planifikuar për në orën 11:00 para kryeministrisë.
Kështu postblloqe të shumta janë ngritur në dalje të qyteteve kryesore në rrethe, ku janë kontrolluar autobusët dhe mjetet që shërbenin për transportin e protestuesve.
Nuk mungojnë patrullat e shumta as në kryeqytet, teksa pranë sheshit Shqiponja, në hyrje të Tiranës, është ngritur një postbllok që kontrollon të gjithë mjetet e tonazhit të rëndë.
Kontrollet e rrepta të policisë vijnë pas sinjalizimeve se në protestë mund të përfshihen nejrëz me precedentë kriminalë, me qëllim destabilitetin e situatës.
