Një ditë pas operacionit për arrestimin e “Eskobarit të Ballkanit”, Policia e Shtetit ka dhënë zyrtarisht detaje.
200 forca policie, ku merrnin pjesë dhe RENEA e FNSH kanë marrë pjesë në operacion. Sipas policisë për 44-vjeçarin Kelmend Balili rëndojnë disa akuza: “Trafik i Narkotikëve’’, ‘’Krijim i grupit të strukturuar kriminal’’ dhe ‘’Kryerjes së veprave penale nga organizata kriminale dhe grupi i strukturuar kriminal’’.
Policia thotë se gjatë ditës së shtunë janë ushtruar kontrolle në banesën e tij dhe në ambiente që ai frekuentonte. Policia thotë se në “gjuetinë” e saj nuk mund të arrestonte dot 44-vjeçarin.
Në banesën e tij dhe të vëllait policia ka sekuestruar dy armë gjahu gjysmë automatike (shotgan) dokumentacioni i të cilave është në proces verifikimi nga ana e Komisariatit të Policisë Delvinë.
Gjatë këtij operacioni është bërë e mundur arrestimi në flagrancë i shtetasit Berti Dosti, 36 vjeç, banues në Stjar të Delvinës, pasi është kapur në flagrancë me një armë zjarri tip “Zastava”të kalibrit 7,65 mm në automjetin të markës “Volvagen Golf -5” në përdorim të tij./Klan
