Deputetja demokrate, Albana Vokshi, ka denoncuar nga foltorja e Kuvendit, praninë ditën e sotme në ambientet e Fakultetit Filologjik, të Policisë së Shtetit.
Vokshi e cilësoi këtë akt antikushtetues, me qëllim për të dëmtuar protestën e studentëve dhe pedagogëve.
Ajo i bëri thirrje Ministrit të Brendshëm, Sandër Lleshaj, se do të mbajë përgjegjësi dhe se gjithçka është e filmuar.
“Zoti Ministër, ky është puç kushtetues, larg duart nga studentët!Largoji policët dhe lërini ata të protestojnë. Detyra juaj e vetme është të zbatoni ligjin, të zbatoni Kushtetutën. Të respektoni dhe të garantoni çdo student, qoftë edhe një të vetëm, në të drejtën e tyre për të protestuar.”- u shpreh zonja Vokshi.
Më tej Vokshi kujtoi se Partia Demokratike nuk do të harrojë askënd që shkel ligjin për llogari të Ramës. D.l
