Policia njofton sot se ka zbardhur ngjarjen e Sarandës, ku më 24 shtator mbeti i vrarë Aleksandër Bardhi, vëllai i ish-kryetarit të komunës Kaçinar (Mirditë).
Përmes një komunikate, Policia e Sarandës njofton se ka dokumentuar tashmë gjithë ngjarjen. Eshtë arrestuar Dhimitër Ciko, 20 vjeç, banues në Ksamil, i dënuar më parë për trafik droge, A.L. 18 vjeç, banues në Ksamil. Ndërkohë që është shpallur në kërkim A.Xh., 20 vjeç, banues në Ksamil, i dënuar më parë për vjedhje.
***
Kujtojmë se dy ditë pas vrasjes së Aleksandër Bardhit, policia kishte arrestuar dy persona të tjerë, njëri prej tyre minoren. Të arrestuarit e parë kanë qenë Fernando Deda 25 vjeç dhe Gjergji Arapi 16 vjeç, banorë të të njëjtit fshat me viktimën.
Më 30 shtator kur ata kanë dalë në gjykatë, 16 vjeçari do të shprehej: Më pushkatoni nëse e kam vrarë unë Aleksandrin! Por edhe kësaj deklarate, prokurori ka lexuar akuzat duke thënë se ata kanë kryer veprën penale ‘Vrasje me dashje, kryer në bashkëpunim’, për motive të dobëta”. Për këtë arsye gjykata i la në burg pa afat.
/Opinion.al
