Mediat kosovare kanë bërë publike një video që tregon se autoritetet kanë ndaluar djalin e presidentit të Serbisë, Aleksadar Vuçiç, Danilo Vuçiç.
Djali i presidentit ndodhej në Kosovë pasi mori pjesë në festën e “Vidovdanit”.
Pas përfundimit të ceremonisë, e cila u mbajt në Graçanicë, Policia e Kosovës ka ndalur makinat ku ishte djali i presidentit të Serbisë për t’ia hequr bluzën e cila mbante një mbishkrime anti-Kosovës, raporton gazeta Koha.
Mësohet se në bluzën e tij shkruhej “dorëzimi nuk është opsion”.
Danilo Vuçiç pas liturgjisë ishte parë duke lëvizur nëpër qytezën e Graçanicës i shoqëruar nga një grup serbësh dhe nga pjesëtar të sigurimit.
