Deputeti i PD, Dashnor Sula ka reaguar për reagimin e Policisë së Shtetit e cila u ndalojë mediave publikimin e informacioneve të zbuluara nga sulmi kibernetik.
Për të zbatuar këtë masë, Policia e Shtetit kërcënoi mediat se do të përballen me dënime sipas vendimit të gjykatës së Tiranës.
Deputeti Sula, thotë se të dhënat sensistive nuk duhen publikuar në media, por ai thekson se autoritetet duhet të nisin hetim ndaj personave përgjegjës për mbrotjen kibernetike.
Sipas deputetit, për sistemin kibernetik në vendin tonë janë shpenaura 200 milionë euro, por edhe pse janë shpenzuar kaq para, sistemet tona digjitale bien pre e sulmeve kibernetike.
Postimi i deputetit Sula
Të mos bëjmë gabimin që bëri pushteti.
Solidarizohem plotësisht me vendimin e Prokurorisë për të mos publikuar materialet që janë nxjerrë nga hakerat. Mes atyre e-maileve mund të ketë të dhëna shumë sensitive/sekrete që nuk duhet të dalin në opinionin publik, ndaj ne si qytetarë, mediat duhet të mos bëjmë gabimin që bëri qeveria duke e lënë “Han me porta të hapura” sistemet kibernetike Shqiptare.
- Ndërsa ne duhet të tregohemi të mirëkuptuar të mos kontribuojmë në daljen e sekretit shtetëror, organi i akuzës duhet të nis menjëherë hetimet dhe të vendos para përgjegjësisë të gjithë personat që kanë lidhje me sigurinë kibernetike. Janë afro 200 milionë euro të shpenzuara për sistemin kibernetik, për sigurinë e tyre.
- Kryeministri Edi Rama ditën e shtunë në konferencën e ditës së shtunë duket se ka gënjyer shqiptarët kur tha se hakerat nuk kanë mundur të vjedhin informacione të rëndësishme. Kjo që ndodhi sot tregoi krejt të kundërtën, ndaj kreu i mazhorancës i detyrohet këtij populli të jap një sqarim dhe në vend ti gënjej nga mëngjesi deri në dark duhet ti tregoj rreziqet nëse ka. Vetëm duke njohur rreziqet mund të mbrohet gjithkush.
- 200 milionë euro që kanë dalë nga xhepat e shqiptarëve për sistemin kibernetik nuk mund të hidhen në kosh të plehrave kaq kollaj. Hakerat kanë sulmuar edhe Kosovën e Maqedoninë e Veriut por deri më tani ka rezultuar se sitemi i tyre mbrojtës është shumë herë më i mirë se i yni. Ndaj lipset një hetim i thellë dhe transparencë ndaj publikut.
