Policia ka ndërhyrë për të shpërndarë banorët që kishin bllokuar rrugën që të çon në aeroportin “Nënë Tereza”.
Pas përplasjeve me banorët e zonës së Rinasit, policia i ka larguar ato nga rruga dhe ka bërë të mundur nisjen e qarkullimit të automjeteve me 1 korsi.
Banorët kanë nisur protestën pas vendimit të ARRSH për ta kthyer rrugën vetëm me një sens lëvizjeje.
Banorët e kësaj zonë po protestojnë prej dy ditësh dhe kërkojnë që qarkullimi në këtë rrugë të kthehet si më parë. Ata thanë se qarkullimi në rrugë vetëm me një sens lëvizje i penalizon për shumë shërbime dhe bën të pamundur dërgimin e fëmijëve në shkolla./Opinion.al
