Tashmë është zyrtare. Policia e Ferizaj në Kosovë ka dhënë lajmin e hidhur se Arian Daci, zv/ ministër në qeverinë e Kosovës, ka humbur jetën në ortekun që ra në malësinë e Brezovicës ditën e sotme.
Policia ka bërë të ditur po ashtu se një person tjetër ka mundur të shpëtohet edhe pse në kushte të vështira.
“Mund të konfirmoj se nga orteku i borës një person ka vdekur, mjekët e kanë konstatuar vdekjen e tij. Bëhet fjalë për personin me inicialet A.D. Personi tjetër ka shpëtuar”, është shprehur policia e Kosovës për mediat vendase
Nga sa mësohet familja Daci kishte një vilë në Brezovicë.
Arian Daci ishte djali i ish-kryeparlamentarit Nexhat Daci.
Siç shikohet edhe nga fotot në rrjetet sociale Arian Daci ishte i apasionuar pas borës dhe skive.
Ndërsa këto ditë mësohet se ai ishte me familjen me pushime në Brezovicë. D. L
