Ditën e djeshme ish-kryeministri Berisha publikoi në profilin e tij në Facebook denoncimin e një qytetari, ku thuhej se djali i xhaxhait i deputetit socialist Jurgis Çyrbja është arrestuar për vjedhje. Sipas qytetarit që denoncoi tek Berisha, policia po tenton ta nxjerrë brenda 72 orësh nga paraburgimi shtetasin Edmond Çyrbja.
Pas këtij denoncimi, reagoi Policia e Durrësit e cila konfirmon arrestimin e shtetasit Edmond Cyrbja. Në komunikatë thuhet se:
“Më datë 25.05.2018 u arrestuan në flagrancë shtetasit E.Ç. 35 vjeç, E.K. 36 vjeç dhe G.Gj. 21 vjeç, banues në Sallmone, Shijak, Sukth, Durrës pasi rreth orës 03:15 në Maminas Shijak, në bashkëpunim me njëri-tjetrin kanë tentuar të vjedhin banesën në pronësi të shtetasit B.D. 40 vjeç. Nenet 134/2, 22 të Kodit Penal”.
