Policia kërkon ndihmë, i moshuari nuk kujton adresën e banesës as emrin e tij

Policia kërkon ndihmën e qytetarëve për gjetjen e banesës së një të moshurari i cili n uk  mabn mend adresën.

Policia e Kamzës bën me dije se i moshuari vuan nga probleme të shëndetit mendor dhe nuk i kujtohet as emri i tij.

Aktualisht autoritetet e kanë shoqëruar në ambientet e Komisariatit të Policisë Nr. 5.

Njoftimi i Policisë

Më datë 31.03.2023, është konstatuar në Kamzë, i vetëm, një i moshuar që dyshohet se vuan nga probleme të shëndetit mendor.

I moshuari nuk mund të identifikohet, nuk e mban mend banesën ku jeton dhe është shoqëruar në ambientet e Komisariatit të Policisë Nr. 5.

Drejtoria Vendore e Policisë Tiranë fton qytetarët që mund të kenë dijeni për familjarët e tij të telefonojnë në numrin pa pagesë 112.