Policia e Vlorës ka sekuestruar 215 kg hashash që transportohej me një furgon mallrash, por nuk ka mundur të kapë shoferin. Ai është arratisur duke braktisur mjetin bashkë me lëndën narkotike sapo ka kuptuar se ndiqej nga policia.
Policia thotë se i ka dhënë urdhër drejtuesit të mjetit të ndalojë në lagjen “24 Maji” në Vlorë, por ai nuk është bindur duke u larguar me shpejtësi. Gjatë ndjekjes së mjetit, përballë shkollës “Jani Minga” drejtuesi ka braktisur mjetin dhe është larguar me shpejtësi nëpër rrugicat e lagjes “24 Maji”.
“Seksioni për Hetimin e Narkotikëve, gjatë kontrollit të ushtruar në automjetin tip “Furgon-Fiat” (i bardhë), ka konstatuar një sasi me lëndë narkotike të llojit Cannabis Sattiva, e cila pas peshimit të saj ka rezultuar me peshë prej 215 kg (kilogram)”, njoftoi policia.
Lënda narkotike ishte paketuar në 53 pako, mbështjellë më thasë sintetikë dhe me natriban transparent, e cila u sekuestrua në cilësinë e provës materiale.
Policia po punon për identifikimin e personit që transportone lëndën narkotike.
