Kronikë

Policia jep detaje për aksidentin me 3 viktima: Si ndodhi përplasja



Bëhu pjesë e Grupit Zyrtar të Opinion.al
>> KËTU <<
               Publikuar në : 14:15 - 01/02/22 |
Opi Nion

Policia ka dhënë detaje lidhur me aksidentin tragjik të ndodhur mëngjesin e sotëm në aksin rrugor Elbasan-Librazhd.

Autoritetet bëjnë me dije se automjeti tip “Ford”, me drejtues shtetasin S. GJ., 32 vjeç, banues në fshatin Floq, Librazhd, është përplasur me mjetin tip “Benz. Për pasojë ky i fundit ka dalë nga rruga dhe ka rënë në lumin Shkumbin.

Në vendngjarje ka mbërritur policia dhe zjarrfiksja. Pas ndërhyrjes së tyre në kushte shumë të vështira, u bë e mundur që të nxirren pa jetë nga mjeti që kishte rënë në mes të lumit, shtetasit E. K., 52 vjeç, E. K., 34 vjeçe dhe E. S., 18 vjeç.

Ndërkohë si pasojë e aksidentit janë plagosur rëndë shtetasit A. H., rreth 20 vjeçe dhe E. K., rreth 10 vjeç, të cilat janë transportuar menjëherë në spital, për ndihmë mjeksore.

Grupi hetimor, nën drejtimin e Prokurorisë, po punon për dokumentimin e plotë të ngjarjes dhe përcaktimin e shkakut të aksidentit./Opinion.al

Pas