Skënder Kraja, 26 vjeç është personi që rrahu me shkop bejsbolli biznesmenin libanezo-amerikan, Faad Mitri, në rrugën e Rinasit, 5 ditë më parë. Policia thotë se Kraja është nga qyteti i Durrësit dhe ka qenë person i dënuar më parë.
Dy persona të tjera, që policia i cilëson si bashkëpunëtorë në krim janë shpallur në kërkim dhe jepen vetëm inicialet e tyre.
Por për policinë kjo ngjarje ka motive banale, ‘gërvishtje makinash’. “Më datë 10 shtator, në aksin rrugorë, Kashar – Rinas, pas një përplasje mjetesh, i cili ka degraduar në konflikt fizik, është goditur me sende të forta shtetasit F. M., 55 vjeç”, thuhet në njoftim.
Përsa i përket autorit, mësohet se gjatë arrestimit i janë gjetur 35 gr cannabiss sattiva.
Policia e Tiranës tha se po punohet për kapjen e shtetasve V. D., 32 vjeç, banues në Sukth, Durrës dhe L. M., 39 vjeç, banues në Sukth, Durrës, të cilët janë bashkëpunëtorë të Skender Krajës.
Materialet proceduriale i’u kaluan Prokurorinë e Rrethit Gjyqësor Tiranë, për veprat penale “Plagosja e lehtë me dashje e kryer në bashkëpunim” dhe “Prodhimi dhe shitja e narkotikëve”, parashikuar nga Nenet 89-25 dhe 283 të Kodit Penal.
Siç shihet policia nuk ka referuar në prokurori, konflikte që lidhen për shkak të punës. Në media është shkruar prej ditësh se biznesmeni u rrah për ti bërë presion, pasi po ndërton një super resort turistik tek Gjiri i Lalzit. /Opinion.al
