Policia ka dhënë detaje për grabitjen në Tiranë. Sipas saj, një përfaqësues i një firme private që po dërgonte një sasi lekësh, në një qese, drejt një filiali banke te Komuna e Parisit është grabitur nga dy persona ende të paidentifikuar.
Ngjarja ka ndodhur jashtë ambienteve të bankës. Pas rrëmbimit të qeses me të holla, autorët janë larguar me motorr.
Njoftimi i policisë
Më datë 28.03.2018, rreth orës 15:10, në rrugën “Medar Shtylla” lagjia Komuna e Parisit, në një parking mjetesh në afërsi të një filiali banke të nivelit të dytë, shtetasi A. S., përfaqësues i një firme, kur ka dalë nga mjeti që kishte parkuar dyshohet se dy persona me motor dhe me skafandëra i kanë marre me forcë një qese me një shumë të papërcaktuar lekësh.
Janë ngritur pika kontrolli e po vijon krehja e zonës.
Si dhe po punohet per sekuestrimin e pamjeve filmike të zonës perrreth.
Grupi hetimor ndodhet në vendngjarje për sqarimin e rrethanave të ngjarjes dhe identifikimin e autorëve.
*foto nga vendi i ngjarjes
