Policia në Italinë jugore ka sekuestruar 2,700 kg kokainë të fshehur në dy kontejnerë me banane, të cilat ishin dërguar nga Ekuadori.
Droga e gjetur në portin kalabrez të Gioia Tauro kishte vlerë më shumë se 800 milionë euro (880 milionë dollarë), tha në një deklaratë policia italiane e Guardia di Finanza.
Ajo kishte ardhur nga Guayaquil në Ekuador dhe destinacioni i saj përfundimtar ishte Armenia, nëpërmjet portit të Detit të Zi të Batumi në Gjeorgji.
Droga u zbulua në kontejnerët 12 metra (40 këmbë) falë skanerëve të specializuar, të ndihmuar nga një qen snifer i quajtur Joel, shtoi policia.
Policia tha se kishte gjetur 600 kg të tjera kokainë në ditët e fundit në kontejnerë frutash nga Ekuadori që po transportoheshin përmes Gioia Tauro. Këto dërgesa ishin të destinuara të dërgoheshin në qytete të tjera të Italisë, por gjithashtu edhe të Kroacisë, Greqisë dhe Gjeorgjisë, shtuan ata.
Kalabria cilësohet si shtëpia e ‘Ndrangheta’, e cila ka zëvendësuar Cosa Nostra-n e Siçilisë si organizata më e fuqishme mafioze e Italisë dhe luan një rol qendror në tregtinë e drogës./Opinion.al
