Një rrjet i madh prostitucioni që drejtohej nga shqiptarë është kapur në Milano pas një hetimi që zgjati rreth një vit. Mediat italiane shkruajnë se tutorët i sillnin vajzat nga Shqipëria, Rumania, Moldavia dhe Çekia. Gjatë operacionit të policisë italiane të koduar në shqip “Toka jonë” dhe në përfundim të një hetimi 1-vjeçar, u arrestuan 14 persona.
Sipas hetuesve, grupi i kishte rrënjët në Shqipëri. Të ardhurat nga prostitucioni përdoreshin për të blerë kokainë në Holandë, sasi droge e cila shpërndahej në Milano dhe në Lombardi.
