Policia italiane ka arrestuar një 37-vjeçar shqiptar, pasi në banesë iu gjet 1 kilogram e gjysmë drogë, si dhe një shumë e caktuar parash.
Agjentët e stacionit të policisë Mirafiori, kishin vëzhguar prej kohësh lëvizjet e 37-vjeçarit dhe të mërkurën, ata hynë në veprim në shtëpinë e tij.
Sipas mediave italiane, shqiptari ishte gati të takonte një person tjetër, ndoshta një korrier i ngarkuar për dërgimin e drogës.
Ata kishin një zarf që përmban kokainë, katër telefona celularë dhe rreth 700 euro para të gatshme.
Mbi 800 gram kokainë dhe 750 gram opium u gjetën në shtëpi, si dhe 2 mijë euro para të gatshme.
Ky është trafikanti i tetë i arrestuar muajin e fundit nga oficerët e policisë, me një sasi të përgjithshme prej 4 kilogramë drogë të sekuestruara./rel.d/
