Policia ka dërguar një njoftim në lidhje me situatën e 23-vjeëarit, Marsel Osmani, i cili dy ditë më parë është rrahur keqasi nga pronari i një lokali tallava në Dishnicë të Korçës.
Lidhur me disa raportime të ditës së sotme, se 23-vjeçari kishte ndërruar jetë në spital, Policia thotë se kjo është e pavërtetë.
“Policia e Korçës ka marrë kontakt pak më parë, me nënën e djalit, i cili ndodhet në Tiranë për mjekim të specializuar.
Kjo e fundit u shpreh se djali i saj është gjallë dhe po vijon të marrë ndihmë mjekësore atje”, thotë Policia.
