Opozita ka lajmëruar protestë pa afat, por policia i ka dhënë vetëm 4 orë leje. Kjo shihet qartë në planin e masave të publikuara nga Policia e Tiranës për protestën e nesërme të PD. “Janë marrë masa për rendin dhe sigurinë nga ora 12:00 deri në orën 16:00 në bulevardin “Dëshmorët e Kombit”.
Nesër do të ketë bllokime të pjesshme të trafikut në segmentet rrugorë:
Kryqëzimi i Bulevardit “Dëshmorët e Kombit” me Bulevardin “Zhan D’Ark”, Kryqëzimi i Bulevardit “Dëshmorët e Kombit”, me Bulevardin “Bajram Curri”.
Si dhe ndalohet parkimi dhe qarkullimi i të gjitha kategorive të mjeteve në segmentet rrugorë:
Nga kryqëzimi i Rrugës “Myslym Shyri” me Bulevardin “Dëshmorët e Kombit” deri tek kryqëzimi i Bulevardit “Dëshmorët e Kombit” me Rrugën “Ismail Qemali”, nga ora 12:00 deri në orën 16:00.
Kërkojmë bashkëpunimin organizatorëve për mbarevajtjen e saj dhe mirëkuptimin e të gjithë qytetarëve gjatë kohës së zhvillimit të protestës, thuhet në njoftimin e policisë.
*Harta me rrugët e bllokuara
