Dy efektivë të policisë, në Durrës, janë përplasur nga një person i shpallur në kërkim.
Paraprakisht mësohet se gjithçka ka ndodhur pasi policia i ka bërë personit thirrje të ndalojë, por ky i fundit ka shtypur gazin e makinës dhe ka përplasur efektivët e policisë.
Uniformat blu bëjnë të ditur se makinës i është bërë me shenjë që të ndalojë, por ajo ka vijuar rrugën dhe ka goditur efektivët, ku njëri prej tyre ndodhet aktualisht në spital për ndihmë mjekësore, jashtë rrezikut për jetën.
“Forcat operacionale të DVP Durres janë vënë në ndjekje ku kanë bërë të mundur kapjen e njerit prej personave që ndodhej në mjet i cili ështe kapur me armë zjarri pistoletë. Vijon ndjekja për kapjen e personit tjeter”,-njofton policia e Durrësit./Opinion.al
