Policia greke ka shkatërruar dy banda të cilat ushtronin veprimtarinë e tyrë në trafikimin e lëndëve narkotike.
Sipas policisë, në këto operacione janë sekuestruar një sasi e madhe kanabisi. Autoritetet greke kanë nisur operacionin e tyre në zonat e Sepolia, Ilion, Zefiri, Kipseli, dhe Menidhi të kryeqytetit, ndërsa u arrestuan 5 persona, mes të cilëve tre ishin shtetas shqiptarë.
Në cilësinë e provës materiale, u sekuestruan 44 kg heroinë e pastër, 10 kg përzierjes të lëndës narkotike.
Policia shprehet se lënda narkotike mbërrinte në Athinë nga Irani, ku edhe përzihej dhe shpërndahej në piacën e narkotikëve, kryesisht në zonën Eksarqia të kryeqytetit. Trafikantëve iu gjet edhe një pistoletë dhe sasi parash cash. Përfitimet e organizatës llogariten në shumë se 1 milion euro.
Mësohet se kokat e bandës janë dy shqiptarë të cilët vuajnë dënimin në burgun e Koridhalos.
Në operacionin e dytë që u zhvillua në zonën e stacionit rrugor në Elefsina, ku prej një kontrolli të bërë në një taxi, u gjetën 75 kg kanabis dhe u vu në pranga një shtetas grek 54 vjeç.
Hetimër zbuluan selënda narkotike ishte ngarkuar në një magazinë të zonës Elefsina, brenda së cilës ndodhej një shtetas shqiptar 37 vjeç, tashmë i arrestuar.
Në total në këtë magazinë, dhe me taksinë e sekuestruar, u gjetën 744 kg kanabis,ndërsa në banesën e shtetasit shqiptar u gjeten edhe 10 kg të tjera duke e çuar sasinë totale në 755 kg kanabis.
Autoritetet helene bëjnë me dije se lënda narkotike e mbajtur në magazinat greke kishte mbërritur në Athinë nga Shqipëria.
Policia deklaroi se përfitimet e organizatës, tejkalonin 1 milion eurot, ndërsa në kërkim janë shpallur edhe disa shtetas të tjerë shqiptarë, emrat e të cilëve nuk bëhen publik.
