Alarm në policinë greke për shitjen e një droge të re, të quajtur Salvia, e cila krijon haluçinacione intensive te përdoruesit.
Trafikanti që solli për herë të parë këtë lënde narkotike në Greqi është një shqiptar, të cilit iu gjendën të fshehura në kondicionerin e makinës 24 gram Salvia, si dhe sasi të vogla hashashi dhe kokaine.
31 – vjeçari u arrestua në portin e Lavrion, vetëm pak pasi i kishte shitur drogë një gruaje, të cilën policia nuk arriti ta identifikonte.
Salvia është një drogë haluçinante, që vjen nga bima me njëjtin emër, e cila vjen kryesisht nga provinca e Oaxaca në Meksikë dhe është mjaft i njohur në mesin e indianëve të rajonit.
Gjatë viteve të fundit përdorimi i saj ka filluar të përhapet gjerësisht në Europë, pasi kjo lloj droge shkakton haluçinacione intensive dhe madje vendos jetën e përdoruesit në rrezik.
Tashmë numërohen mjaft vdekje nga përdorimi i Salvias, përdoruesit e së cilës kanë ndërruar jetë pasi janë hedhur nga lartësi mjaft të mëdha, duke menduar se mund të fluturojnë./ tvklan.al
