Mjetet e tonazhit të rëndë së bashku me autobusët janë në pritje në Doganën e Kapshticës për të kaluar kufirin.
Ky vendim është dhënë mbrëmjen e djeshme nga pala greke, për shkak të kushteve të këqija atmosferike.
Mesa duket shoqëritë e transportit duket se nuk kanë marrë në konsideratë një vendim të autoriteteve greke.
Siç mund të shihet edhe në pamje, përveç kamionëve, edhe autobusët janë detyruar të parkohen pranë pikës kufitare teksa e gjithë zona është zbardhur si pasojë e reshjeve të shumta të dëborës.
Mësohet se deri në një njoftim të dytë nga pala greke, do të vazhdojë ndalimi i kalimit të mjeteve të tonazhit të rëndë, kamionëve dhe autobusëve drejt Greqisë.
