Arsenal armësh është sekuestruar nga policia në Dibër gjatë një aksioni të koduar “Weapons”.
Në kuadër të këtij aksioni u arrestuan shtetasit D.D. 68 vjeç dhe djali i tij P.D. 38 vjeç, të cilët janë babë e bir.
Policia bën të ditur se në banesën e tyre në fshatin Shullan, ku janë gjetur dhe sekuestruar një arsenal armësh, konkretisht :
Dy armë zjarri kallashikov, një pushkë, një armë gjahu, tritol, 200 metra fitil zjarrpërcjellës, 73 copë kapsolla detonatore, 715 copë fishekë, dhe 5 krëhëra arme.
Materialet i kaluan Prokurorisë së Rrethit Gjyqësor Dibër për veprën penale “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim./Opinion.al
