Policia franceze shkatërron me dhunë kampin e emigrantëve në Paris
Forcat e policisë në Francë kanë shkatërruar me dhunë një kamp të improvizuar në Paris, duke u përplasur me emigrantët dhe aktivistët.
Policia u akuzua për përdorim “skandaloz” të forcës së tepruar. Përmes një postimi në Twitter, ministri i Brendshëm i Francës Gerald Darmanin, u shpreh se disa nga skenat ishin tronditëse dhe urdhëroi policinë të kishin një raport të plotë mbi veprimet e tyre.
Emigrantët që jetonin në kamp thanë se tani janë të detyruar të flinin në rrugë, duke mos pasur zgjidhje tjetër.
“Ata janë shumë të dhunshëm”, u shpreh një emigrant 34-vjeçar nga Afganistani, që u citua nga agjencia e lajmeve AFP.
Emmanuel Macron, presidenti i Francës, miratoi një politikë të ashpër ndaj emigrantëve të parregullt, shumë prej të cilëve, përmes Francës e shohin destinacionin e tyre përfundimtar Mbretërinë e Bashkuar.
