“Policia është me ne”, me shaka apo jo, kështu shkruan në facebook, i riu që u ndalua dje në portin e Durrësit pasi në kamionin që transportonte makina nga Belgjika u gjet një shumë e madhe eurosh. Bëhet fjalë për 3.4 milionë euro, thanë burimet, ndërsa policia ende nuk ka deklaruar asgjë zyrtarisht.
Thasët me kartmonedhën europiane u bllokuan ditën e djeshme në Portin e Durrësit, ndërsa ishin të fshehura në dy makina ‘Toyota Yaris”. Dy makinat ishin të ngarkuara në një kamion së bashku me 7 makina të tjera. Trageti vinte nga Bari, ndërsa makinat ishin nisur nga Belgjika. Mësohet se janë arerstuar 3 persona, dy shoferët dhe administratori i komapnisë që transportoi makinat. Shoferët janë Klevi Cani 21 –vjeç dhe Agim Ceka 61-vjeç, ndërsa administratori është Edi Lika. Ndërkohë mister mbetet njeriu që porositi makinat, brenda të cilave erdhen miliona euro.
Në foto: Profili në facebook i Klevi Canit
