TIRANË- Policia të ofron 2 milionë lekë të vjetra nëse arrin të identifikosh dhe të tregosh vendndodhjen e këti personi që shihni në foto dhe në video (më poshtë).
Përmes një njoftimi për mediat policia thotë se ka shpallur në kërkim personi që shihni në sediljen e pasme të makinës pasi më datë 9 Nëntor 2015 ka bërë kallëzim penal shtetasi H.H. se personi që shihni në foto i ka kërkuar shërbimin taksi dhe para se të zbriste nga automjeti, nën kërcënimin e nje sendi si ajo e armës se zjarrit ka tentuar t’i vjedhë me dhunë lekët e xhiros ditore. Më pas agresori është larguar në drejtim të paditur. Ngjarja ka ndodhur në rrugën “Tre Dëshmorët” në Tiranë, rreth 6 muaj më parë dhe në pamundësi për ta gjetur policia kërkon të informohet nga qytetarët.
“Çdokush që ka informaciom mund të telefonojë në nr. 069 41 05 735. Policia e Tiranës garanton ruajtjen e anonimatit dhe ndjekje të shpejtë të çështjes, deri në zbardhjen e plotë të saj dhe vënien para përgjegjësisë së autorit”, thuhet në njoftim. /Opinion.al
