Gazetari Ergys Gjençaj i cili ditën e djeshme është shtrirë në tokë padrejtësisht nga policia ka dhënë sot dëshminë e tij në Prokurorinë e Tiranës.
Gjençaj ka deklaruar se ka dorëzuar 2 video që i kishte filmuar me celularin e tij dh eta treguar para hetuesve dinamikën e ngjarjes.
“U thirra nga ana e Prokurorisë për të dhënë dëshminë time përsa i përket ngjarjes së djeshme. Unë e kreva detyrën time, dhashë dëshminë time, duke treguar gjithë dinamikën e ngjarjes. Po ashtu dhashë edhe dy videot e regjistruara nga aparati im celular dhe nuk më mbetet gjë tjetër veçse të apeloj që institucionet e drejtësisë të hedhin dritë mbi ngjarjen dhe të vendosin drejtësi,”- u shpreh në prononcimin e tij gazetari Gjençaj.
Kujtojmë që ditën e djeshme policia ishte duke zhvilluar një aksion antidrogë në kryeqytet i cili dështoj. Pikërisht gjatë këtij aksidenti ishte dhe gazetari duke filmuar dhe ky veprim ka nxitur incidentin./Opinion.al
