Pas paralajmërimeve të Partisë Demokratike për protestë ditën e hënë, sot Drejtori i Përgjithshëm për Sigurinë në Policinë e Shtetit, Altin Qato ka patur një dalje për mediat. Ai e cilësoi protestën e nesërme të opozitës si një tubim të paligjshëm, duk i bërë thirrje qytetarëve të mos marrin pjesë dhe të distancohen prej saj.
“Policia e Shtetit nuk ka dhënë leje për zhvillimin e kësaj proteste. Zhvillimi i protestës cenon rendin e sigurinë. I bëjmë thirrje qytetarëve të mos bie pre e thirrjeve të politikës. Çdo mjet qo do përdoret në manifestim do procedohet”, deklaroi Qato, duke shprehur se policia nuk do të lejojë bllokimin e rrugëve,
“U bëj thirrje qytetarëve të mos bien pre e thirrjeve politike. Manifestimi është i paligjshëm kështu që duhet ta shmangni atë. Është e palejuar dhe policia do të marra masat përkatëse. Do filmohen personat që do të marrin pjesë në të. Do të ketë dëme deri në burgim për shtetasit që prishin rendin,” tha Qato. Zv/drejtori i Policisë së Shtetit tha se çdo shef komisariati do të ketë të drejtën të ndërhyjë dhe të ndalojë protestën e nesërme.
Sipas Qatos, do të arrestohen ose do të vihen në përgjegjësi penale të gjithë ata persona që do të marrin pjesë në këto protesta apo që do të vendosin mjete në dispozicion mjete për protestën.
