Policia e Krujës ka kërkuar ndihmën e qytetarëve për identifikimin e një 50-vjeçari.
Sipas uniformave blu 50-vjeçari pretendon se quhet Vladimir por se nuk mban mend asnjë të dhënë tjetër për veten apo adresën e banimit.
“Në ambientet e Stacionit të Policisë Fushë-Krujë, ndodhet një shtetas i cili deklaron se quhet Vladimir por nuk mban mend adresën e banimit apo të dhëna të tjera të tij.
Ky shtetas është i moshës rreth 50 vjeç, rreth 1.65 cm dhe mban të veshura xhup blu të errët dhe pantallona të zeza.
Familjarët ose të njohurit e këtij shtetasi mund të paraqiten në ambientet e Stacionit Policor Fushë-Krujë. Gjithashtu ftojmë qytetarët që mund të kenë dijeni për familjarët e tij të telefonojnë në numrin pa pagesë 112”, njofton policia.
