Edhe pse mbajtja e armës pa leje në shtëpi është vepër penale dhe qytetarët janë të detyruar ti dorëzojnë kur ndërhyn policia, duket se kjo e fundit ka zgjedhur një metodë tjetër…. “Mos gjuaj, por duaj”! Me këtë moto Ministria e Brendshme ka ndërmarrë një fushatë për të mbledhur armët pa leje.
Policia do të shkojë në çdo shtëpi për të komunikuar rrezikun që vjen nga armët. Kështu tha ministri Saimir Tahiri gjatë prezantimit të kësaj fushate.
“Do nisim një fushatë të gjerë në çdo qytet, fshat e shtëpi për mbledhjen e armëve pa leje. Nuk është detyrë e lehtë por fitorja më e madhe do të jetë edhe sikur të bindim dhe 5 njerëz në çdo qytet të mos mbajnë armë pa leje”, u shpreh Tahiri.
Sipas ministrit, janë mbi 10 mijë qytetarë që kanë humbur jetën apo janë plagosur rëndë nga armët e paligjshme që nga viti 1997. /Opinion.al
