Policia e Shtetit reagon rreth konfliktit institucional midis ministres së Arsimit dhe sekretarit të Përgjithshëm të këtij institucioni, duke theksuar se nuk është detyrë e policisë zgjidhja e kësaj mosmarrëveshje.
Ministrja Karabina akuzon Ndrecën se ka futur në ministri persona të armatosur dhe kërkon ndërhyrjen e ndërkombëtarëve ndërsa Ndreca ka sqaruar se DAP e ka kthyer atë në punë dhe po ushtron detyrën.
Reagimi i Policisë:
Drejtoria Vendore e Policisë Tiranë është njohur jo zyrtarisht me konfliktin institucional ndërmjet Ministrit dhe Sekretarit të Përgjithshëm të MAS, por theksojmë se nuk është detyrë e Policisë së Shtetit dhe kompetencë e saj, zgjidhja e kësaj situate.
Policia e Shtetit ju ka bërë me dije zgjidhjen e situatës duke ju drejtuar Gjykatës Administrative dhe Prokurorisë.
Për sa i përket shërbimit të sigurisë fizike, të dy shoqëritë janë kontraktuar nga i njëjti institucion.
