Mbrëmjen e sotme qyteti i Vlorës është blinduar nga forcat e Policisë dhe ato RENEA.
Mësohet se 3 personat janë vënë në pranga për armëmbajtje në bulevardin Vlorë-Skelë. Siç duket edhe nga pamjet e siguruara, forcat RENEA kanë vendosur shirita në një lokal në bulevard ku u kryen edhe arrestimet.
3 të arrestuarit ishin nën survejim nga agjentët civilë të policisë dhe dyshohet se janë përplasur fizikisht me ta.
Ndërkohë, krahas forcave RENEA, blutë dhe FNSH kanë zbarkuar gjithashtu në Vlorë për kontrolle blic në kuadër të megaoperacionit ‘Tempulli’.
