Oficerët e policisë në Barcelonë kanë zhvilluar një operacion antidrogë në periferi të qytetit. Gjatë aksionit u bastis një shtëpi dykatëshe që doli të ishte e mbushur me 800 bimë kanabisi që rriteshin nën llamba të fuqishme.
Sipas Reuters, gjatë aksionit policia arrestoi dy shtetas shqiptarë, që ishin pjesë e një rutine ditore në rajonin e Katalonjës për të goditur prodhimin e paligjshëm të kanabisit.
Policia argumenton se krimi i organizuar është rritur dhe duhet të trajtohet për të parandaluar bandat.
Ata thonë se nuk synojnë kultivuesit ose përdoruesit e shkallës së vogël, të cilët frekuentojnë të ashtuquajturat klube të kanabisit, por rrjete droge të nxitura nga përfitimi që eksportojnë pjesën më të madhe të kanabisit jashtë vendit.
“Kur është një biznes që gjeneron kaq shumë para, organizatat kriminale fokusohen të vijnë këtu,” tha Antoni Salleras, shefi i njësisë së krimit të organizuar të policisë katalanase, duke vënë në dukje se të huajt, kryesisht nga vende të tjera në Evropë, Maroku dhe Amerika Latine, llogariten rreth 60% e arrestimeve vitin e kaluar.
Vitin e kaluar, policia katalanase sekuestroi 26 ton marijuanë, tre herë më shumë se në vitin 2021, dhe arrestoi 2,130 njerëz./Opinion.al
