Polici i Policisë Rrugore, Gerhard Baka thotë se shkak i trafikut të rënduar të makinave në Tiranë janë parkimet e gabuar të qytetarëve.
Gjatë një interviste televizive, Baka ka thënë se zgjidhja është parkimi që bashkia ka ofruar për qytetarët.
“Komisariati i Policisë Rrugore në Tiranë ka evidentuar se shkak determinant për mbingarkesën e trafikut që jemi qytetar të këtij komuniteti, ankohemi se ka trafik të mbingarkuar në kryeqytet. Si pasojë, e kujt vjen ky trafik? Vjen si pasojë e infrastrukturës, si pasojë e sinjalistikës vertikale apo horizontale. Kjo ngelet për t’u diskutuar. Evidente është që problem kryesor në kryeqytet janë mosrespektimi i sinjalistikës vertikale nga drejtuesit e mjeteve, pra parkimet e gabuara, duke filluar nga parkimet në afërsi të kryqëzimeve, parkimet në rresht të dytë. Zgjidhja është kjo, duke i marr makinën atij tjetrit, duke ia spostuar 300 metra më sipër te parkimi i bashkisë”, tha Baka.
