Kryeminsitri Edi Rama ka njoftuar se është dërguar për kurim të specializuar në Turqi efektvi i cili u plagos gjatë protestës së qytetarëve për vrasjen e Klodian Rashës nga një efektiv policie.
Rama ka postuar disa foto ku shihet kujdesi i qeverisë për efektvin Fadil Allaraj që u përball me qytetarët për të mbrojtur ministrinë e Brendshme dhe Kryeministrinë.
Në këto foto shihen pranë efektivit ministrja e Shëndetësisë, Ogerta Manastirliu dhe Drejtori i Policisë së Shtetit, Ardi Veliu. Ndërkohë, Rama shton se policit i është shpëtuar masa e dëmtuar e syrit dhe tani shpresohet që atij t’i kthehet një pjesë e shikimit.
“Efektivi i plagosur i Policisë së Shtetit, Fadil Allaraj, fluturoi për në Turqi ku do të kryejë një ndërhyrje të specializuar në sy, me shpresën që pas shpëtimit të masës së shqyer të syrit në ndërhyrjen e parë, të mund t’i kthehet edhe një pjesë e shikimit”, është ky reagimi i Ramës.
Efektivi Fadil Allaraj u plagos në protestat për Klodian Rashën, bashkë me disa polic të tjerë nga hedhja e sendeve të forta dhe kapsollave. Sipas të dhënave të publikuara nga Policia e Shtetit dhe QSUT gjendja e policëve të tjera tashmë është e mirë, pasi ata kishin dëmtime të lehta./ Opinion.al
