Efektivi i Komisariatit të Shijakut Hasan Deda ka qëlluar veten me armën e shërbimit në banesën e tij. Ai jetonte i vetem ne shtepi, pasi familjaret e tjere i ka ne Itali. Nuk dihen ende arsyet e veteplagosjes. Policia ka nisur hetimet në lidhje me këtë ngjarje.
Përmes një njoftimi, policia bëri të ditur se ngjarja ka ndodhur rreth orës 09:20, në fshatin Kamberas. “Në banesë është vetëplagosur me armën e shërbimit tip pistoletë shtetasi Hasan Deda, punonjës policie. I dëmtuari ndodhet në Spitalin Ushtarak Tiranë nën kujdesin e mjekëve. Grupi hetimor po punon për zbulimin e motiveve dhe zbardhjen e plotë të ngjarjes”, thuhet në njoftim.
